Америкийн Нэгдсэн Улсын 850 ажилтнаас авсан судалгаагаар тэдгээрийн 40% нь цалин нэмэх тэдэнд урам зориг эсвэл зургаан сараас дээш хугацаагаар талархсан сэтгэгдэл төрүүлдэг гэсэн бол 30% нь сараас дээш хугацаагаар сэтгэл ханамжтай байдаг гэсэн байна. Нөгөөтэйгүүр ажилтнуудын 55% нь удирдлагаасаа “баярлалаа” гэх үг сонсох нь тэднийг сэтгэл хангалуун байхад нөлөөлдөг гэжээ.

Сонирхолтой нь тэдний 28% нь бэлгийн карт эсвэл байгууллагын шагнал байсан ч олон нийтэд ажлаа сайн хийгдсэн гэж хүлээн зөвшөөрөгдөх нь тэднийг аз жаргалтай болгодог гэсэн байна.

Харин хамгийн өндөр сэтгэл ханамжийг төрүүлдэг зүйл бол бүхий л түвшний хамтран ажиллагсдаасаа эерэг үнэлгээ авах нь тэдэнд урам өгдөг гэж 70% хариулжээ.

Ажилтай насанд хүрэгчдийн тал нь менежерээсээ гүйцэгтгэлийн эерэг үнэлгээ авах нь тэднийг аз жаргалтай болгодог гэсэн бол үүний адилаар 49% нь хамтран ажиллагсдаасаа эерэг үнэлгээ авах нь сэтгэл хангалуун байдлыг төрүүлдэг гэжээ.

Нэмэгдэж буй өрсөлдөөнтэй ажлын зах зээлд маш олон байгууллагууд цалин нэмэх зэрэг ажилтнуудаа сэтгэл хангалуун байлгахад ашиг тус үзүүлэх зүйлсийг хэрэгжүүлэх болжээ. Гэсэн ч талархлаа илэрхийлдэг соёлыг бий болгох нь үүнтэй адил нөлөөтэй гэдийг  санах хэрэгтэй.

“Ажилтнуудынхаа хичээл зүтгэлийг хүлээн зөвшөөрөх нь олон хүмүүсийн бодож байснаас ч илүүтэйгээр тэдэнд урам өгдөг” гэж “Kronos”-ын хүний нөөцийн инститүтийн захирал Жоесэ Маронэе хэлжээ.

Мөн “Энэ ямар ч зардал шаарддаггүй хийхэд хялбархан зүйл. Ажилтнуудын оролцоог нэмэгдүүлэх нууц жорын нэг нь талархлаа илэрхийлдэг соёлыг хөгжүүлэх байж болох юм” гэсэн байна.